Yr Ardal
Mae’r ardal a wasanaethir gan Gyngor Cymuned Dolbenmaen yn cynnwys wardiau Bryncir, Garndolbenmaen, Golan, Penmorfa, Prenteg a Phentrefelin.
Y Cyngor
Mae Cynghorau Cymuned yn cynrychioli cymunedau unigol o fewn eu siroedd. Eu prif nod yw gwella amgylchedd ac ansawdd bywyd y bobl sy’n byw yn eu hardaloedd.
Dogfennaeth
Mae Cofnodion, manylion am fynwentydd, ffioedd claddu, rheolau claddu, llwybrau cyhoeddus, rheolau sefydlog a fwy ar gael ar ein tudalen Dogfennaeth
Mae’r ardal a wasanaethir gan Gyngor Cymuned Dolbenmaen yn cynnwys wardiau Bryncir, Garndolbenmaen, Golan, Penmorfa, Prenteg a Phentrefelin.
Poblogaeth o 1343 (Cyfrifiad 2011) sydd gan Dolbenmaen, ac mae’n ymestyn dros 8,609 hectar. Mae’r Cyngor Cymuned yn weithgar iawn ac yn gwneud gwaith amgylcheddol, yn cefnogi datblygiadau cymunedol ac yn cynorthwyo’r trigolion gyda materion personol a chymunedol. Rydym yn cynnig sylwadau ar bob cais cynllunio o fewn y gymuned.
Er mai dim ond Ysgol Garndolbenmaen sydd o fewn dalgylch y Cyngor, mae Ysgol Gynradd Llangybi, Ysgol y Gorlan Tremadog, Ysgol Treferthyr Cricieth ac Ysgol Borth y Gest hefyd yn gwasanaethu plant yr ardal. Dwy ysgol uwchradd sydd yn gwasanaethu’r ardal sef Ysgol Eifionydd, Porthmadog ac Ysgol Dyffryn Nantlle, Penygroes.
Newyddion & Hysbysebion
Deddf Llywodraeth Leol 1972
Cyngor Cymuned Dolbenmaen
HYSBYSIAD O GYFARFOD BLYNYDDOL
HYSBYSIR TRWY HYN y cynhelir Cyfarfod Blynyddol Cyngor Cymuned Dolbenmaen yn Nghanolfan Prenteg ac yn rhithiol, ar nos Iau’r 14eg o Fai am 7 o’r gloch yr hwyr.
Cynhelir y cyfarfod drwy gyfrwng y Gymraeg. Gofynnir i chi gysylltu ar Clerc – cyngordolbenmaen@outlook.com / 07557125477 cyn y 30ain o Ebrill os bydd angen gwasanaeth cyfieithu arnoch.
*******************
The Annual General Meeting of Dolbenmaen Community Council will be held in Canolfan Prenteg and virtually on Thursday evening 4th May at 7 o’clock.
The meeting will be held through the medium of Welsh. If you wish to attend and require the services of a translator, please contact the Clerk by e-mail or telephone before the 30th of April- cyngordolbenmaen@outlook.com / 07557125477.
Cyngor Cymuned Dolbenmaen
Gwahoddir ceisiadau am gymorth ariannol gan fudiadau o fewn dalgylch y Cyngor.
Bydd angen llenwi a gyrru:
• Ffurflen Gais am Gymorth Ariannol (Gellir ei lawr lwytho o wefan y Cyngor (www.Dolbenmaen.cymru) neu gael copi drwy gysylltu â’r Clerc).
• Mantolen Ariannol Gyfredol.
Anfonwch eich cais at: Eleri Davies, Cartrefle, Bryncir, Garndolbenmaen, Gwynedd. LL51 9LX neu drwy e-bost i’r cyfeiriad: cyngordolbenmaen@outlook.com
Dyddiad Cau: 31 Rhagfyr 2025.
Ni ystyrir unrhyw gais ar ôl y dyddiad yma.